Ka Hele Malihini Ana Mai Keia Ao Aku a Hiki I Kela Ao (Pilgrim's Progress)

By Mea Paipalapala A Na Misionari

Book Id: WPLBN0002096818
Format Type: PDF eBook:
File Size: 85.54 MB
Reproduction Date: 4/29/2011

Title:	Ka Hele Malihini Ana Mai Keia Ao Aku a Hiki I Kela Ao (Pilgrim's Progress)
Author:	Mea Paipalapala A Na Misionari
Volume:
Language:	Hawaiian
Subject:	Non Fiction, History of the Americas (Canada, Mexico, Central and South America, etc.), Hawaiian History
Collections:	Authors Community, Education
Historic Publication Date:
Publisher:	Hawaiian Historical Society

Member Page:	Hale Kuamoʻo Hawaiian Language Center
Citation APA MLA Chicago Pai Palapala A Na Misionari, B. M. (n.d.). Ka Hele Malihini Ana Mai Keia Ao Aku a Hiki I Kela Ao (Pilgrim's Progress). Retrieved from http://gutenberg.cc/

Description
O Ioane Euniana, ke kahunapule nana i kakau i keia Hele Malihini ana o Keristiano, a me na palapala e ae he nui, ua hanau oia ma Eleseto, e kokoke ana me Bedefoda, ma Enelani, i ka makahiki 1628. He kanaka ilihune kona makuakane, he kahuna kuikeleawe, a ua aoia hoi kana keiki, o Ioane nei, i keia hana hookahi. Aole i haaleleia o Ioane Buniana e lilo i ka naaupo e like me kekahi mau keiki ilihune e ae. Aka, ua hoounaia oia e hele i ke kula, a ao no ia i ka palapala i kona wa uuku, He keiki hewa loa no nae ia, i kona wa ui lilo paakiki loa ia i ka paani, ka uhauha a me ka hoohiki ino. Ua oi aku kona hewa imua o ko na keiki e ae ma kona wahi, a lilo ia i alakai a i pookela no ka poe hana kolohe. Elua mau hewa nae i hana ole ni kela: aole ia i inu rama, aole hoi i moe kolohe; na ke Akua ia i malama mai i kela fnau mea ino loa, i haule ole ai kela iloko o ka make ilaila. Iwaena o na hewa a pau ana i hanai, aole ke Akua i waiho wale ia ia, me he keiki la no ka make. Ua ao pinepine mai kona Uhane ia ia, me ka hooweliweli i kona naau no na mea a pau ana i hanai. I na la, ma ka hewa kana hana ana; a ma ka po, puoho pinepine ia i na mea weliweli. O ka makau i ka hoopaiia mai e ke Akua, oia ka i hoopili mai ia ia i na manawa hapa lealea. O kona waha ka i olioli, a o kona naau ua kaumaha i ka makau, Hoopakele mai ke Akua i kona ola i na manawa e kokoke ana ia i ka make. Haule iho la i kekahi ma nawa iloko o ka muliwai, a i kekahi manawa iloko o ke kai, a aneaue ia e make. I ka 17 o kona makahiki, lilo ia i koa kaua, a i kekahi manawa ua kaheaia oia ma ke kaua ana i Leiketera, e hele e ku i ka makai, a noi mai la kekahi koa e ae e hele ma kona hakahaka; ae aku la kela, a i ke ku makai ana o ua koa nei, ua kuia kona poo i ka poka a make.

Excerpt
I kuu hele ana ma ka waonahele o keia ao, hiki aku la an nia ke kauwahi, a moe iho la iloko o kekahi ana. A i kuu hiamoe ana, hiki mai la kekahi moeuhane Ike aku la au ma kuu moe ana, he kanaka i aahuia i na lole haehae weluwelu, e ku ana, a o kona mau maka e nana ana mai kona hale aku, a he buke ma kona lima, a he haawe nui a kaumaha maluna o koija kua. Isaia 64:6; Luka 14:33; Halelu 38: 4. Ike aku la au ia ia, ua wehe ia i ka buke, a heluhelu iho la: a i kona heluhelu ana, uwe iho la ia me ka haalulu. A no ka hiki ole ke hoomanawanui hou aku, poha mai la ia me ka uwe kani nui, e olelo ana, "Heaha la kau e hana ai” Oihana 2: 37; 16: 30; Hahakuka 1: 2, 3. Pela no ia i hoi hou aku ai i kona hale, a uumi i kona uwe ana, i ike ole mai ai kana wahine a me na keiki i kona kaumaha; aka, aole i hiki ia ia ke hoomanawanui, no ka nui loa ana mai o kona pilikia. Nolaila i hoike aku ai ia i kona manao i kana wahine ame na keiki, penei, "E kua wahine aioha, a me na keiki a kuu opu, owau o ko ookou makamaka aloha, ua pilikia loa au i keia haawe nui e kau koikoi mai ana maluna ou; eia hol kekahi,ua hoikeia mai hoi iau, e pau ana keia kulanakauhale o kakou i ke puhiia i ke ahi, a iloko o keia kahuli ana, e make mainoino auanei au, me oe kau wahine, a me oukou e kau mau keiki aloha, ke loaa ole ia kakou (aole nae i ikeia ano) kekahi puka e hoopakeleiai a ola. I keia olelo ana, kahaha loa ae la kona poe hanauna; aole no ka manao he oiaio kona; aka, kuhi lakou ua pupule kela. A no ka mea, ua kokoke napo ka la, manao lakou e oluola paha ia ke hiamoe, alaila hoomoe lakou ia ia i kona wahi moe. Aka, ua like kona kaumaha i ka po me ia i ke ao; a he uwe wale no kona me na waimaka, a ao ka po. A ike ao, ninau mai lakou ia ia, "Pehea oe" I akula kela, "Aohe ou maha iki, he nui loa mai kuu ehaeha." Alaila ao liou aku la oia ia lakou. a hoopaakiki hou iho la lakou i ko lakou mau naau. Manao no hoi lakou e hoo pau i kona kaumaha ana ma ka oleio kalakala, a me ka huhu ia ia. I kekahi nianawa, aka henehene lakou ia ia; a i kekahi manawa, hoino aku, a i kekahi manawa hoowahawaha ia ia. Alaila ua hele aku no ia a komo iloko o kona keena malu, e pule aku no lakou; a e uwe mihi i kona popilikia. Hele hookahi no ia i na la ma ke kula e heluhelu i kana buke, a e pule hoi; a pela kana hana i na la he nui. Aole oifi i ike ia wa ka mea e pakeie ai. He laau pono ole no ka naau eha.