He Moolelo Kaao No Iwa

By Kapulani Antonio

Book Id: WPLBN0002096923
Format Type: PDF eBook:
File Size: 9.31 MB
Reproduction Date: 6/21/2011

Title:	He Moolelo Kaao No Iwa
Author:	Kapulani Antonio
Volume:
Language:	English
Subject:	Non Fiction, Education, Hawaiian Education
Collections:	Authors Community, Education
Historic Publication Date:	1996
Publisher:	Hale Kuamo'o

Member Page:	Hale Kuamoʻo Hawaiian Language Center
Citation APA MLA Chicago Antonio, B. K. (1996). He Moolelo Kaao No Iwa. Retrieved from http://gutenberg.cc/

Description
The Hale Kuamoo–Hawaiian Language Center supports and encourages expansion of Hawaiian language as the medium of education, business, government, and other contexts of social life in Hawaii. The Center provides professional and material resources necessary to address this goal including educational support in the development of curriculum materials for Hawaiian medium education, teacher training, Na Maka O Kana Hawaiian language newspaper, and the Mamaka Kaiao dictionary of contemporary Hawaiian terms.

Excerpt
Ua pai ia He Moolelo Kaao no Iwa i ka nupepa Ka Hoku o Hawaii i ka makahiki 1908. A ua pai hou ia me ka hahai ana i ke kulekele no ka hoano hou, ka hooponopono a me ka loihape ana e ka Hale Kuamoo. O kekahi laana ka waiho ana i na huaolelo i hoomaaka ia ma ke ano he hoike manao o ka mea kakau. Ua hookomo ia hoi ka manao o ka hoano hou ma na kuhia o lalo. Eia hou, na ka mea hoano hou no i haku i na olelo ma na kahaapo kihikihi [ ] ma muli o ka pelu ia o ke kope kumu. Ua hoano hou ia keia moolelo no ka hoike ana i kekahi manao no ka aihue. He moolelo kaao keia no kekahi aihue kaulana i kapa ia kona inoa o Iwa. O ka aihue kana hana, a o ia no ka oi o na aihue a pau a puni o Hawaii pae aina. Ua olelo ia, ua aihue o Iwa, ia ia hoi ma ka opu o kona makuahine. Ua hoolono ia akula kona kaulana, a ua kaao maila. He mookaao wale no paha keia He mea i haku wale ia paha He kanaka maoli no paha o Iwa Aole maopopo lea ia kakou, aka, o kekahi waiwai o ka moolelo, he hoike i ka manao, na kuuna, ka moomeheu a me ke kuanaike ao o na kupuna. I keia wa, ke noonoo kakou i keia hana o ka aihue, noonoo ia he mea maikai ole, he ae kanawai, he hewa. A aole no hoi i manao ia pela ma muli o ke ao ana mai o ka poe mikioneli he ae kanawai. Na Kamehameha no i papa i kona poe, aole e aihue, aole e hao wale a pela aku no ka pono o ka pili ma waena o ka Haole a me ka Hawaii, oiai ua nui no hoi ka pilikia o ka lawe ia aku o ka ka Haole mau mea mai na moku aku i ka wa ma mua. Ua manao ia e ka Haole, he aihue ka hana. Eia nae, o ka aihue ka lawe malu ana aku. I ka hapanui o ka manawa, aole i lawe malu ia na mea a ka Haole. Ua lawe ia hoi na mea i waiho wale ia, na mea hoi i malama ole ia, kohu mea la, aole i makemake ia. Ua olelo ia e kupuna, “Aohe malama, pau i ka iole.” A no laila, ua kapa ia ka Hawaii he aihue me ka maopopo ole i ka manao maoli o ka aihue. He aihue o Iwa, ke keiki aiwaiwa nana i hoike i kona makaukau i ka aihue ana i ke koi kapu a Umi. He aihue o Puapualenalena, ka ilio kupua nana i hoihoi mai ia Kihapu, ka pu kupanaha a Kiha. He aihue o Aukelenuiaiku i kona lawe ana i ka wai ola a Kane mai na kiai a Kamohoalii aku. Kaulana keia mau hamee i ka aihue. He aihue o Maniniholoikuaua eia nae, aole kaulana kona inoa. No ke aha Ua kaulana na inoa o na aihue i helu ia mai ma luna nei ma muli o ko lakou kokua ana i na alii a me ka poe. Ua aihue o Iwa laua o Puapualenalena na na alii. Ua aihue o Aukelenuiaiku no ka pono o kona mau kaikuaana. Aka, o Maniniholoikuaua, ua aihue o ia nona iho, a o na mea a pau ana i aihue ai, ua malama wale ia i loko o kahi ana, a o ka hopena o kona anunu, o ia ka make. No ia kumu i kaulana ole ai kona inoa, a he hoike no hoi kana hana ma ke ano kupono ole, o ia hoi ka anunu me ke pi. No laila, aole he maikai ole, he ae kanawai a he hewa ka aihue i na manawa a pau i ka manao o ko kakou mau kupuna. Koe aku no ia i ka poaiapili. E ola na inoa o na aihue kaulana!