Ka Moolelo O Heneri Opukahaia (The History of Henry Obookiah)

By Hawaiian Historical Society

Book Id: WPLBN0002096932
Format Type: PDF eBook:
File Size: 15.48 MB
Reproduction Date: 6/15/2011

Title:	Ka Moolelo O Heneri Opukahaia (The History of Henry Obookiah)
Author:	Hawaiian Historical Society
Volume:
Language:	Hawaiian
Subject:	Non Fiction, Auxiliary Sciences of History, Hawaiian History
Collections:	Authors Community, Education
Historic Publication Date:	1867
Publisher:	Hawaiian Historical Society

Member Page:	Hale Kuamoʻo Hawaiian Language Center
Citation APA MLA Chicago Historical Society, B. H. (1867). Ka Moolelo O Heneri Opukahaia (The History of Henry Obookiah). Retrieved from http://gutenberg.cc/

Description
O ka nui o keia Moolelo, ua unuhiia noloko mai o kekahi buke i paiia ma ka olelo Haole, ma Amerika Huipuia. Ua huli hou ia nae, a ua hooponoponoia kekahi mau hemahema o ua buke nei. O kekahi mau mea hoi, ua hookomo hou ia, no ka moolelo a Rev. S. W. Papaula i imi ai ma Kealakekua, Hawaii. He mea nui no kakou o Hawaii nei keia moolelo o Heneri Opukahaia; no ka mea, o ka makamua ia o na hana kupaianaha a ke Akua i hana lokomaikai mai ai i ko kakou Lahui nei; a no loko mai o ia hoomaka ana i mahuahua mai ai ka malamalama, ka naanao, a me ka pono ma Hawaii nei, a hiki wale i keia manawa. Ina e lilo keia wahi moolelo i mea e mahuahuai Ko kakou aloha i ka Haku, a me ko kakou hoonani ana ia Iehova, ua lawa iho la.

Excerpt
A hiki mai la ka wa o ke kaua ana o Ka- mehameha me Namakeha, oia ke kaua o Kaipalaoa i make ai o Namakelia, i ka makahiki 1797, o na makua o Opukahaia ka i make pu iloko o ia kaua ana, a me kahi kaikaina uuku a Opukahaia, a pakele mahunehune wale oia nei. Ua aneane umi na makahiki o Opukahaia i kela manawa. Penei kahi moolelo a Opukahaia no ia mea. " Elua aoao i hoopaapaa no ka mana Aupuni o ia aina." (Oia paha o ko Kamehameha a me ko Namakeha.) " Hoouka ia ke kaua, a weliweli loa ka luku ana. Hoopioia ka aoao nona ka makuakane o Opukahaia, a, auhee nui aku. I ka lanakila ana mai o ko lakou mau enemi, lukuia no hoi ko laila mau kauhale. Eia nae, ua kukala e ia ka hoea lanakila ana mai o ko lakou poe enemi. Nolaila, hopu iho la ka makuakane i kana wahine, a me na keiki elua a laua, a holo aku la i ke kuahiwi. Malaila lakou i pee ai i kekahi mau la, iloko o kekahi ana. Aka, no ka nui loa o ko lakou pilikia i ka makewai, puka mai la lakou i kekahi la ae e imi i ka wai e inu. Loaa ia lakou kekahi wai mapuna e kokoke ana ilaila, a oiai lakou e inu ana, hoea hikilele mai la ka enemi. Ia manawa, ua holo koke ka makuakane, no ka pihoihoi o ka manao. Aka, ia ia e holo ana, uwe aku la kana wahine a me na keiki, a no kona aloha ia lakou, hoi mai la oia e kokua ia lakou. A i kona hookokoke ana mai ia lakou, ike ae la oia i ka enemi, ua kokoke loa mai, holo hou aku la oia. Ike ae la ka enemi i ka nui o kona aloha i kona ohana, hopu iho la lakou i kana wahine a me na keiki, a hooehaeha aku la ia lakou, i mea e hoea hou mai ai ka makuakane i loaa aku lakou ia ia. A ua ko no ko lakou manao. No ka mea, i kona lohe ana i ka uwe kumakena ana o kona ohana iloko o na lima menemene ole o ka enemi, aole hiki ia ia ke hoomanawanui hou aku, Hoi hou mai la no ia, a o ko lakou hopu no ia ia ia a pepehi pu ia ia me kana wahine. Ia manawa nae, lalau ae la o Opukahaia i kona wahi pokii a waha iho la, hoao ae la e holo aku i pakele. Aka, ua alualu koke ia a loaa, a make koke ae la kahi pokii i ka houia e ka pahua. A o ua o Opukahaia nei, ua hoolaia nae, no ka mea, ua ike lakou, aole ia i opiopio loa, e luhi wale ai lakou i ka malama ana, aole hoi i kanaka makua ae, e makau aku ai lakou ia ia."